SÍNDROME DE BRUGADA

Definición

Derivacións precordiais dereitas con
segmento ST elevado

A fibrilación ventricular idiopática (ou síndrome de Brugada) caracterízase pola elevación do segmento ST nas derivacións precordiais dereitas (V1 a V3), bloqueo completo ou incompleto da rama dereita e susceptibilidade a unha taquicardia ventricular e a unha morte súbita (esta enfermidade tamén recibe o nome de "Síndrome de morte súbita noctura inexplicada). É un trastorno eléctrico sin anomalías cardíacas aparentes. Maniféstase xeralmente sobre a terceira ou a cuarta década de vida. Esta enfermidade pode afectar a calquera corazón normal, aínda que se detectaron varios casos nos que afecta a persoas con anomalías estructurais no ventrículo dereito. Presenta unha transmisión autosómica dominante.

Signos e síntomas

A maioría dos pacientes están asintomáticos, entre un 20-30% teñen síncopes e un 8-12% sufren paro cardíaco (podendo provocarlles unha morte súbita). 

A pesar de que a enfermidade non xera síntomas notables, algúns dos signos e síntomas que poden significar ter este síndrome son:

- Mareos

- Desmaios

- Respiración difícil, especialmente polas noites

- Latidos irregulares, caóticos e extremadamente rápidos

Diagnóstico

Básase no exame clínico e no electrocardiograma. As patoloxías coas que sempre se debe realizar un diagnóstico diferencial por poder presentar o patrón característico do síndrome de Brugada no ECG son a pericarditis aguda, a distrofia muscular de Duchenne, a miocardiopatía arritmóxena do VD, a hipertrofia doVD, o síndrome de repolarización precoz, a isquemia ou o infarto de miocardio agudo, a embolia pulmonar, a anxina de Prinzmetal, a disección aórtica, o déficit de tiamina, a hipercaliemia, a hipercalcemia e a hipotermia.

Tratamento

O tratamento máis eficaz é o uso do desfibrilador automático implantable (DAI). Para iso, o primeiro sería identificar os individuos con alto riesgo de sufrir BrS. Ademais, nestes pacientes poderíase utilizar a quinidina como terapia, podendo reducir o número de individuos que requiran o shock por DAI.

Pronóstico

O pronóstico dos pacientes con esta enfermidade é moi variable, debido a que hai individuos que sofren BrS e desconóceno, outros que teñen antecedentes familiares, outros con ECG normais ou con casos sospeitosos de arritmias, etc.

Prevalencia: 1-5/10000. É máis frecuente en varóns que en mulleres: 8:1.