BABESIOSE

Definición

A babesiose é unha enfermidade infecciosa causada por protozoos do xénero Babesia, os cales son transmitidos por garrapatas e atacan aos glóbulos vermellos. Caracterízase por presentar febre e anemia hemolítica, podendo ser simplemente unha infección asintomática ou chegar a ser fulminante e provocar a morte. 

Signos e síntomas

Os síntomas adoitan comezar de 1 a 4 semanas despois da picadura da garrapata infectada ou de 1 semana a 6 meses tras recibir unha transfusión con sangre contaminada, e poden durar entre 1 e 2 semanas. En inmunodeprimidos ou en persoas de idade avanzada pódense dar infeccións máis graves e prolongadas con recaídas, precisando ingreso hospitalario. Entre os síntomas máis comúns están:

- Febre, sudor e escalofríos

- Malestar e fatiga

- Cefalea, mialxia e artralxia

- Tos seca

- Náuseas

- Anorexia

Babesia no interior dos glóbulos

vermellos nunha mostra de 

sangue tintada con Giemsa.

Pulse para ver máis

Diagnóstico

Débese sospeitar de babesiose en pacientes que presenten un cadro febril inexplicable e que estiveran recentemente nunha zona endémica de Babesia ou que recibiran algunha transfusión de sangre durante os 6 meses anteriores. Realízanse análisis para detectar anemia hemolítica, trombocitopenia e un número de leucocitos normal ou menor do habitual. As tincións de Giemsa e Wright para frotis sanguíneos identifican os parásitos no interior dos glóbulos vermellos. A reacción en cadena da polimerasa pode confirmar o diagnóstico ao detectar ADN de Babesia no sangue do paciente. Os análisis serolóxicos tamén resultan útiles para a confirmación do diagnóstico.

Tratamento

O tratamento para este trastorno consiste na administración de axentes microbianos, atovacuona e azitromicina, durante 7-10 días. En pacientes con babesiose graves recoméndase quinina oral e clindamicina intravenosa. Nos casos máis graves precisaríase unha transfusión de intercambio parcial ou completa. Os pacientes inmunodeprimidos poden precisar terapias antimicrobianas de ata 6 semanas de duración se a infección persiste ou recidiva.

Ademais, para previr esta enfermidade, é importante evitar as zonas con presencia de garrapatas, realizar comprobacións en busca de garrapatas no corpo e usar roupa protectora e produtos repelentes.

Pronóstico

O pronóstico vai depender da especie de Babesia que actúe e da saúde do individuo sobre o que esta actúe, sendo moi bo en persoas inmunocompetentes.

Prevalencia: <1/1000000, predominando en EEUU.