BALANTIDIASE

Definición

A balantidiase é unha enfermidade infecciosa causada polo parásito Balantidium coli, un protozoo ciliado (organismo unicelular con cilios) que infecta con frecuencia animais como o porco, o mono, o cabalo ou os ratos salvaxes.
Polo tanto, trátase dunha afección que na maioría das ocasións van a sufrir aquelas persoas criadoras destes animais.

Está causada pola inxesta de auga e/ou alimentos contaminados con quistes do mencionado patóxeno, pois a súa membrana degrádase coas secrecións gástricas no estómago do hospedador e pasa logo ao intestino delgado e ao colon, onde se reproduce. Expúlsase a través das feces e presenta como vía de contaxio a vía feco-oral.

Signos e síntomas

O período de incubación é de un a sete días e pode cursar sintomático ou asintomático.
Entre os signos e síntomas destacan:
- Diarrea e estreñimiento alternos
- Feces con mucosidade, sangre ou pus
- Dor abdominal
- Náuseas
- Pérdida de peso involuntaria
- Vaciado incompleto ao evacuar
- Deshidratación

Diagnóstico

Para o diagnóstico desta enfermidade levarase a cabo unha recollida de feces de varios días para posteriormente estudalas en busca do parásito patóxeno causante da afección. Ademais, solicitarase unha colonoscopia para comprobar se existen ulceracións a nivel de colon, realizarase unha biopsia do tecido intestinal e procederase á realización de aspirados colónicos.
Tamén se realizará un test de inmunofluorescencia para detectar a presenza de anticorpos.

Tratamento

O antibiótico e antiparasitario Metronidazol é a mellor elección ante a presenza do Balantidium coli. 
As medidas hixiénicas e de seguridade alimentaria son tamén de grande importancia, pero non tanto dende o punto de vista do tratamento, senón da prevención.

Pronóstico

En xeral, a balanditiase presenta un bo pronóstico.
En casos esporádicos dun curso fulminante da enfermidade pode producirse unha perforación intestinal, peritonitis e hemorraxia, conducindo á morte.

Prevalencia

O parásito presenta unha prevalencia que oscila entre o 0,5% e o 1%.